Tuesday, May 26, 2009

ಕನವರಿಕೆ - 3

ವ್ಯತ್ಯಾಸ

ಆಟಗಾರ
ವಿಜಯವನ್ನರಸುವುದು
ನದಿ
ಸಮುದ್ರವನ್ನರಸಿದಂತಲ್ಲ...
ವ್ಯಾಪಾರಿ
ಗಿರಾಕಿಯನ್ನರಸುವುದು
ಹುಡುಗ ಹುಡುಗಿಯನ್ನರಸಿದಂತಲ್ಲ...
ನಿರುದ್ಯೋಗಿ
ಕೆಲಸವರಸುವುದು
ದುಂಬಿ
ಹೂವನ್ನರಸಿದಂತಲ್ಲ
**********

ಚರಂಡಿ

ಹಸಿದ ವ್ಯಕ್ತಿ
ಓಲಾಡುತ್ತಾ ಬೀಳುವ ಜಾಗ
ಕುಡಿದ ವ್ಯಕ್ತಿ
ತೂರಾಡುತ್ತಾ ಮಲಗುವ ಜಾಗ
***********

ಪರಿಸರ

ಈಗ
ರಮಣೀಯ ಪ್ರಕೃತಿ,
ಹಸಿರು ವನ, ಬೆಟ್ಟ
ಪ್ರಶಾಂತ ಪರಿಸರ
ಬೇಕೆಂದರೆ
ಸಿಗುವುದು ಕಲಾವಿದನ
ಕುಂಚದಲ್ಲಿ ಮಾತ್ರ
(ಇವು ನನ್ನ ಕಾಲೇಜು ದಿನಗಳ ಕನವರಿಕೆಗಳು)

5 comments:

shivu said...

ಹರೀಶ್,

ಕೆಲವು ವಿಚಾರಗಳು ಸುಲಭವಲ್ಲ ಅನ್ನುವುದನ್ನು ಮೊದಲ ಕವನದಲ್ಲಿ, ನಮಗೊದಗಿ ಬಂದಿರುವ ಪರಿಸ್ಥಿತಿಯನ್ನು ಮೂರನೆ ಕವನದಲ್ಲಿ ಚೆನ್ನಾಗಿ ಹೇಳಿದ್ದೀರಿ...

ಧನ್ಯವಾದಗಳು

PARAANJAPE K.N. said...

ನಿಮ್ಮ ಕವನದಲ್ಲಿ ಅಡಕವಾಗಿರುವ ವಿಚಾರ ಮಾರ್ಮಿಕ ಸತ್ಯ

Divya Mallya - ದಿವ್ಯಾ ಮಲ್ಯ said...

ಜೀವನದ ಸತ್ಯಗಳನ್ನು ಚೆನ್ನಾಗಿ ಪ್ರತಿಬಿಂಬಿಸಿದ್ದೀರಾ, ಕವನದಲ್ಲಿ... ಚೆನ್ನಾಗಿದೆ.

ಧರಿತ್ರಿ said...

ಚೆನ್ನಾಗಿವೆ ನಿಮ್ಮ ಕಾಲೇಜು ದಿನಗಳ ಕನವರಿಕೆಗಳು!
-ಧರಿತ್ರಿ

Guru's world said...

ಹರೀಶ್
ಮೊದಲ ಹಾಗು ಕೊನೆ ಚುಟುಕ ಕವನಗಳು ತುಂಬ ಅರ್ಥ ದಿಂದ ಕೂಡಿದೆ.....ನೀವು ಹೇಳಿರುವಹಾಗೆ ಹಸಿರು ವನವನ್ನು ನಾವು ಕುಂಚದಲ್ಲೇ ನೋಡಬೇಕಾಗಬಹುದು...
ಗುರು